Manal Universe

1O SWEET NAATS

1-  Dare nabi par para rahoon ga

Dare nabi par para rahoon ga, parre hi rehne se kaam hoga
Kabhi to qismat khule gi meri, kabhi to mera salam hoga

Khilafe maashooq kuch huwa hai, na koi aashiq se kaam hoga
Khuda bhi hoga udhar bhi aye dil, jidhar woh aali maqam hoga

Kiye hi jaoon ga arz matlab, milega jab tak na dil ka matlab
Na shaam e matlab ki subha hogi, na yeh fasana tamam hoga

Jo dil se hai ma’il-e-payambar, yeh is ki pehchan hai muqarrar
Ke har dam is be nawa ke lab par, durood hoga salam hoga

Isi tawaqqo pe ji raha hoon, yehi tamanna jila rahi hai
Nigahe lutfo karam na hogi, to mujh ko jeena haram hoga

Dare nabi par para rahoon ga, parre hi rehne se kaam hoga
Kabhi to qismat khule gi meri, kabhi to mera salam hoga

—————————————-

2-Dil Main Ishq e Nabi Ki Ho Aisi Lagan

Dil main ishq e Nabi ki ho aisi lagan,
Ruh tarapti rahe dil machalta rahe
Zindagi ka maza hey kay har saans say
Ya Muhammad Muhammad (Sallallaho Alayhi Wasallam) nikalta rahey.

Dil Main Ishq-e-Nabi Kee Ho Aesee Lagan
Ya Muhammad Muhammad mein kehta raha,
Noor kay motiyo ki lare ban gaee,
Ayaton sey milata raha ayatein,

Phir jo dekha to Naat e Nabi ban gaye.
Jo bhi ansoo bahe merey Mehboob kay,
Sab key sab abr e rehmat kay cheentay banay,
Chah gaee raat jab zulf lehra gaee,

Jab tabasum kiya chandani ban gaee.
Yeh to maana kay jannat hai bagh e haseen,
Khoobsoorat hey sab khuld ki sar zameen,
Husn e jannat ko phir jab samayta gaya,

Sarwar e ambiya ki galee ban gaee.
Jab chirah tazkira un kay rukhsaar ka,
Waduha par liya, wal qamar keh dia,
Sooraton kee tilawat bhi hoti rahi,

Naat bhi ho gayi baat bhi ban gayi.
Sab say saim zamanay main mazoor tha,
Sab sey beykas tha beybas tha majboor tha ,
Un ko reham agaya merey halaat par,
Meree azmat meree beybasee ban gaee.

Dil mein ishq e Nabi ki ho aisi lagan,
Rooh tarapti rahay dil machalta rahay,
Zindagi ka maza hai kay har saans say,
Ya Muhammad Muhammad nikalta rahey

—————————————–

3-Do Jahaan Ke Waali Ka

Do jahaan ke waali ka do jahaan pe saya hea
Un ko to khuda ne un ki marzi se banaya hea

Noori noori jalwe hean keise pyaare jalwe hean
Chaand un ke jalwon ki bheek lene aaya hea

Waduha ka chehra hea taaha ka sehra hea
Un ke muskurane se zamana jagmagaya hea

Toor pe kaha rab ne lantarani musa ko
Lekin mere aaqa ko arsh pe bulaya hea

Nabiyon ne salami di valiyon ne ghulami ki
Sar pe un ke khaaliq ne taaj wo sajaya hea

Lete hean dua’en wo karte hean jafa’en wo
Seene se laga’en uss ko jiss ne bhi sitaya hea

Barkaton ke rele hean nooyon ke mele hean
Haleema teri kuttya mean koan muskuraya hea

————————————–

4- Hasbi Rabbi JallAllah

Hasbee Rabbee Jall-Allah

Ma fee Qalbee Ghair- Allah

Awwal -o- Aakhir hay Allah

Zahir -o- Batin hay Allah

NOOR-E- MUHAMMAD SALLALLAHO

La ilaha illa Allaho

La ilaha illa Allaho

Kisi Nay poochha keh jannat kee koi qeemat hay kia

To Mustafa (sallallaho alaihe wa aalehee wa sallam) nay kaha keh

La ilaha illa Allaho

La ilaha illa Allaho

La ilaha illa Allaho

illallaho illallah, illallaho illallah

La ilahe illa Allaho Muhammad-ur-Rasoolullah. Sallallaho Alaihe wa Sallam

——————————–

5- Jashan-e-Amad-e-Rasool Allahi Allah

Jashan-e-Amad-e-Rasool Allahi Allah
Bibi Amena ke phool Allahi Allah

Noor ki tann gaeen chaadrain chaarsoon

Hoor-o-gilmaan ki poori hoii arzoo

Mustafa mujtaba shah-e-kono mukaam

Rub ki sarkaar jub hogaey roh baroh

Phir khuda ne khaha mere mahboob tum

Ho rasuloon ke rasool Allahi Allah

Jashn-e-Amad-e-Rasool Allahi Allah

Bibi Amena ke phool Allahi Allah

Chehra-e-Mustafa jub dikhaya gaya

Jhook gaye taarey aur chaand sharmaa gaya

Amena dekh kar muskuraney lageen

Hawwa Mariyam bhi khoshiyaan banaaney lageen

Amena bibi sub se kehney lageen

Duaa hogaii kabool Allahi Allah

Jashn-e-Amad-e-Rasool Allahi Allah

Bibi Amena ke phool Allahi Allah

Farsh se arsh tak noor ka hai samaa

Laaey tashreef doniyan main khair-ul-waraa

Aasi ummat ki kismal sawarney lagii

Barishain rehmatoon ki barasney lageen

Ay Haleema teri looriyoon keyliye

Rub ke aagaey rasool Allahi Allah

Allahi Allah Bolo Allahi Allah

Rub ke aagaey rasool Allahi Allah

Jashn-e-Amad-e-Rasool Allahi Allah

Bibi Amena ke phool Allahi Allah

Boodd girey tooth kar khaaq main attak gaaey

Kufr ke phele baadal sabhi chatt gaey

Jub Rukh-e-Mustafa ki pari roshni

Ye zameenon zamaan khood main butt gaaey

Hoor-o-gilman malaik sabhi aaj hain

Zikr Ahmed main mashgool Allahi Allah

Bibi Amena ke Phool Allahi Allah

Jashn-e-Amad-e-Rasool Allahi Allah

Shaadiyaaney khoshi ke bajaaey gaaey

Shaadi ke naghmey sab ko sonaaney gaaey

Har taraf shoor Sall-e-Allah hogaya

Aaj paida Habib-e-Khuda hogaya

Phir tu Jibreel ne bhi ye Ayhlaan kiyaa

Ye Khudaa ke hain Rasool Allahi Allah

Bibi Amena ke phool Allahi Allah

Allahi Allah bolo Allahi Allah

Jashn-e-Amad-e-Rasool Allahi Allah

Chehra Quraan ki tafseer hai

Noor hi noor hai Haq ki tasveer hai

Mussaf-e-Mustafa ke oojaalon ke rung

Rehmatoon se sajii ek tasveer hai

Jaane kaunay ju hai Shafee-ul-waraa

Aysey piyaare hain rasool Allahi Allah

Jashn-e-Amad-e-Rasool Allahi Allah

Bibi Amena ke phool Allahi Allah

———————————————————–

6- Kamli Wala Aa Gaya

Aashiqon khusiyan manaow Kamli wala aa gaya
Rabb-e-sallim gun gunaao Kamli wala aa gaya

Chehra-e-walfajr sey aur gaysuey wal-layl sey
Dil ko aiinah banaao Kamli wala aa gaya

Jhuk geya sajdey mey baitullah bhi ta’zeem ko
Ab diyey dil ko jalaao Kamli wala aa gaya

Gode main ley kar Halima Sadiyah ne yuun kahaa
‘Azmatun key geet gaao Kamli wala aa gaya

Jashn-e-Milaad-un-Nabi main un key zikr-e-paak sey
Najdioon par qehr dhaao Kamli wala aa gaya

Chaand suraj aur sitaro kehkashaan ard-o-falak
Rowshani apni barhaao Kamli wala aa gaya

Ya Rasulullah ka na’rah lagaa kar sunnio
Apney dushman ko bhaghaao Kamli wala aa gaya

Tum bhi Nustrat Na’imi mahfil-e-milaad main
phool naatoun key khilaaow Kamli wala aa gaya

——————————————

7 –  Lam Yaati Naziiru Kafi Nazarin

Lam yaati naziiru kafi nazarin mislay to na shud peda jaana
Jag raaj ko taaj toray sar sohay tujh ko shahay do saraa jana

Al bahru ala wal mowju tagha man baykas o tufaan hoash ruba
Manjdhaar mayn huun bigrri he hawa mori nayya paar laga jaana

Ya shamsu nazar ti ilaa leyli chuba teyba rasi arzay bakuni
Tori joat ki jhaljhal jag mayn rachi mayri shab nay na din hona jaana

Laka badrun fil wajhil ajamal hat haala e mezulf abr e ajal
Toray chandan chandar par wo kundal rahmat ki barsan barsa jaana

Ana fi ata shiunw wasahaka atam eh gaysu-ay paak eh abr e karam
Barsan haaray rim jhim rim jhim do buund idhar bhi ghiraa jaana

———————————————

8- Main Madine Chala

main Madinay chala, Main madinay chala
main Madinay chala, main Madinay chala

phir karam ho gaya, main Madinay chala

saqia may pila, main Madinay chala
mast-o-bay khud bana, main Madinay chala

Kaif sa cha gaya, main Madinay chala
jhoomta jhoomta, main Madinay chala

main Madinay chalamain Madinay chala

Ashk thamtay naheen, paon jamtay naheen
larkharata huva, main Madinay chala

main Madinay chalamain Madinay chala

mairay Aqa ka darr, ho ga paish-e-Nazar,
chahiaye aur kia, main Madinay chala

main Madinay chalamain Madinay chala

phir karam ho gaya, main Madinay chala
phir karam ho gaya, main Madinay chala

mairay ganday qadam, aur unka Haram
Laaj rukhna Khuda, main Madinay chala

main Madinay chala main Madinay chala

Rooh-e-Muztarr ththehar, tu nikal na udhar
itni jaldee bhee kia, main Madinay chala

phir karam ho gaya,main Madinay chala

Haath uthhte ruhay, mujh ko daitay ruhay
voh talab say siva, main Madinay chala

kia keray ga idhar, bandh rukht-e-safar
chal Ubaid -e-Raza, main Madinay chala

main Madinay chala, main Madinay chala

phir karam ho gaya, main Madinay chala

—————————-

9- Nah Kaleem Ka Tasawwur

nah kaleem ka tasawwur nah khiyaal-e-tur-e-sinaa
meri aarzu Muhammad meri justuju Madinah

main gadaae Mustafa hun meri azmatein nah poocho
mujhe deykh kar jahannam ko bhi aa geya paseenah

mujhe dushmano nah cherho mera koi hai jahaan main
main abhi pukaar lun ga naheen dur hai Madinah

main mareez-e-Mustafa hun mujhe cherho nah tabibo
meri zindagi jo chaaho mujhe le chalo Madinah

meray dubne main baqi nah koi kasar rahi thi
kahaa “almadad Muhammad” tho ubhar geyaa safinah

siwaa is ke meray dil mein koi aarzu nahein hai
mujhe mowt bhi jo aaey tho ho saamne Madinah

kabhi aey Shakeel dil se nah mite khiyaal-e-Ahmad
isi arazu mein marna isi arazu mein jeena

——————————-

10- Mustafa Jane Rahmet Pe Lakhon Salam

Mustafa Jaan-E-Rehmat Pay Lakhoon Salam
Shama-E-Bazm-E-Hidayat Pay Lakhoon Salam …. (Chorus)

Mehr-E-Charkh-E-Nabuwat Pay Raushan Durood
Bhool-E-Baagh-E-Risalat Pay Lakhoon Salam

Chorus

Mujh Se Baikas Ki Daulat Pay Lakhoon Durood
Mujh Se Baibas Ki Koowat Pay Lakhoon Salam

Chorus

Hum Ghariboon Kay Aaka Pay Behad Durood
Hum Fakiroon Ki Sarwat Pay Lakhoon Salam

Chorus

Neethe Aankhoon Ki Sharm-O-Haya Par Durood
Unchi Beeni Ki Rifat Pay Lakhoon Salam

Chorus

Syeda Zahida Tyaba Tahira
Jaan-E-Ahmad Ki Rahat Pay Lakhoon Salam

Chorus

Unki Bala Sharafat Pay Aala Durood
Unki Bala Siadat Pay Lakhoon Salam

Chorus

Kaash Mehshar Main Unki Aamad Ho Aur
Kay Jay Sub Unki Shaukat Pay Lakhoon Salam

Mujh Say Khidmat Kay Kudsi Kahain Ha Raza
Mustafa Jaan-E-Rehmat Pay Lakhoon Salam

———————————–

————————————

Advertisements
Standard

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s